Máis de dúas semanas de tapeo en Pontevedra, Vigo e O Porriño.
PontedeTapas celebra este 2017 a súa X edición na cidade de Pontevedra. No ano actual sumáronse 52 locais que prepararán 35 tapas tradicionais, 23 tapas creativas e 6 cócteles. Tres modalidades a concurso e ás que se sumará o Premio do Público, baseado na puntuación que as e os comensais ofrezan ás tapas que proben. Para animar a achegarse preparáronse dous premios valorados en 500 euros que se sortearán entre todas e todos os asistentes.
Na edición de 2016, foron os restaurantes de Tapería Loaira, Casa Román, Icewolf e El Cafetín da Alameda quen obtivo devanditos premios. En canto ao prezo, terá un custo único para as tapas de 2 euros, e de 3 euros para os cócteles. Os horarios variarán en función do establecemento. Podendo ir desde a súa apertura ata as 14:30 horas da tarde, e posteriormente ata as 22:30 da noite.
O sur da provincia ofrece tres boas opcións para saír a cear fóra de casa a base deste aperitivo tan popular
Cambiando de cidade, en Vigo celébrase O Petisquiño no seu cuarto Concurso de Tapas. A duración será a mesma que o evento pontevedrés e neste caso sumáronse 58 locais que poden localizar no seguinte mapa. A maioría están localizados entre o Náutico de Vigo, a Zona vella, o Arenal e arredores do comezo de Gran Vía xunto con Urzáiz . Outro grupo menos numeroso estaría situado no barrio pesqueiro de Bouzas .
O prezo da tapa no certame poderá variar entre 1,5 e 3 euros e os horarios establecidos van desde as 12 ata as 14 horas pola mañá e entre as 19 e as 21 horas pola tarde. Catro serán as tapas premiadas. A "máis Popular" será a que alcance a maior puntuación, e posteriormente a tapa "máis Enxebre", a "máis Innovadora" e a "máis Riquiña".
No caso do Porriño, a celebración do Pinchorriño darase cada venres e sábado de novembro entre as 19 e as 23 horas. A diferenza dos dous eventos anteriores, as tapas serán esta vez gratuítas. Na XII edición do certame participarán 44 locais, e destaca como curiosidade a presenza de tapas para veganos nalgúns dos seus establecementos.
Ademais da gratuidade deste aperitivo, entre os comensais que selen un mínimo de catro cupóns de catro locais sortearanse dúas estancias nunha casa rural.
