Mostramos praias para todos os niveis de surf nas Rías Baixas
O verán rabuña os últimos días e aínda que a calor non sexa tan intensa como nos meses previos, a praia segue sendo un punto de encontro para todas e todos aqueles que lles guste practicar deporte. Ademais das praias que vos indicamos hai uns días para realizar kitesurf, e as 5 praias costeiras máis populares que anteriormente destacamos para surf, queremos engadir a continuación unas cantas máis sobre este deporte acuático.
Nigrán
Ademais da famosa Patos que xa comentamos no artigo anterior, no municipio de Nigrán localizamos a praia de Prado, con diferentes tipos de ondas e ventos sur e leste, é bastante coñecida tanto entre locais como entre outras e outros surfeiros de Galicia, ademais, é unha das praias apta para todos os niveis.
Sen saír deste concello, tamén para todos os niveis é A Cala, mentres que Monteferro, enclave popular e de acceso fácil, con vento sur, leste e dirección esquerda, require dun nivel medio.
O Grove
O Grove é outro dos lugares que xa mencionamos anteriormente. Agora sumamos o enclave de Canelas, o cal ofrece un espazo para surfeiras e surfeiros de todos os niveis do mesmo xeito que as praias de Nigrán mostradas no apartado anterior.
Praias difíciles para facer surf ao sur de Pontevedra:
Baiona
En Baiona temos a praia de Silleiro, con vento sur e dirección esquerda, algúns a consideran como un dos mellores lugares para practicar surf na provincia, pero a dificultade de acceder ás ondas fai que se requira un bo nivel antes de atreverse con ela.
Ocorre o mesmo coa onda de Basurero, mesma dificultade e perigo. Require pouco mar e hai que remar bastante para chegar a ela.
Oia
Tamén, no sur e debaixo de Baiona, atópase o municipio de Oia, onde despois do pobo de Santa María de Oia atopamos outro enclave de dificultade alta, con vento sur, ondas de formación rápida e unha costa con rocas, é unha zona que non se aconsella a xente inexperta.
Ademais da anterior, existen en Oia outros enclaves de dificultade alta para persoas expertas. Falamos de San Francisco, cuxo acceso require penetrarse no mar uns 200 metros, e a dificultade convida a nunca surfear só ou sola, do mesmo xeito que Cantos e F3–A Salvaxe no mesmo municipio.
Outras praias para surfeiras e surfeiros experimentados son as dos Mortos en Areas , na ría de Pontevedra,Fontela e Caneliñas en Portonovo e Buraca en Vigo.
