O Grove e Sanxenxo, por un turismo intelixente
O Grove e Sanxenxo solicitaron unha axuda para converterse en destino turístico intelixente convocada pola Sociedade Estatal para a Xestión da Innovación e as Tecnoloxías Turísticas (SEGITTUR). Sobre iso xirou a reunión que mantiveron a semana pasada en FITUR 2018 con representantes do Ministerio de Enerxía, Turismo e Axenda Dixital.
O obxectivo de ambos os municipios de obter tal axuda, é liderar a utilización das ferramentas dixitais para mellorar a calidade de vida da cidadanía coma a experiencia turística do visitante.
Unha experiencia dixital que sería aproveitada tanto para promocionar, como para informar ou descubrir a usuarios e usuarias os atractivos culturais e naturais da provincia, como a de mostrar dunha maneira máis sinxela e interactiva os seus recursos.
A convocatoria, lanzada e publicada no BOE en novembro de 2017, está dotada de 60 millóns de euros a repartir entre todas as localidades seleccionadas. A participación conxunta de ambos os municipios reside en que entre os requisitos, o destino turístico debía superar os 20.000 habitantes, algo que por separado non cumprían pero que conxuntamente si o conseguen alcanzando os 28.000 habitantes.
A unión é posible ademais porque comparten zona xeográfica e posúen similitudes na xestión. De feito, ambos os gobernos locais colaboraron conxuntamente hai 17 anos baixo o Plan de Excelencia Turística mellorando de forma positiva a promoción desta zona de Pontevedra. Alzarse coa subvención permitirá aos municipios seguir potenciando a súa opción turística sobre o resto de destinos.
Esta zona da costa galega é das máis populares de turismo a nivel nacional de Rías Baixas
Hai que lembrar que esta zona da costa galega é das máis populares de turismo a nivel nacional de Rías Baixas .
Na mesma edición de Fitur 2018, as dúas localidades tamén estiveron representadas baixo a proposta do Salnés xunto co resto de vilas da comarca. O obxectivo era mostrar a esta mancomunidade a través doutra aplicación para iOs e Android.
Sanxenxo pola súa banda, foi o primeiro concello galego que utilizaba sinais indicativos cun sistema integrado para informar tanto á cidadanía como a turistas. É o caso da súa participación na aplicación Inventrip xunto con outras localidades nacionais.
Na mesma aplicación, tras elixir o destino, ofréceche un mapa indicativo dos elementos máis atractivos a nivel turístico e cultural. Entre outras opcións, permíteche ir creando unha axenda de viaxe coa súa propia organización por cartafoles ou días puntos a visitar.
