Pontevedra lidera A Ruta dos Fenicios en Galicia
A Deputación de Pontevedra sumouse a un novo proxecto que se coñece como A Ruta dos Fenicios e que se constituíu formalmente o día 29 de novembro nun encontro con todos os participantes españois en Eivissa. Trátase ademais da única representación galega dentro deste plan cultural e que ademais será a anfitrioa da próxima Asemblea Estatal da Ruta en novembro de 2018.
A participación desta institución pública débese a unha solicitude en busca de aumentar o número de socios, xa sexan administracións públicas ou entidades culturais, especialmente daqueles lugares onde a cultura fenicia deixara un legado ou creara vínculos.
Desta maneira, a Deputación galega será a encargada de liderar e promocionar a Ruta das "Kasitéridas", nome co que se coñece o camiño que os fenicios desenvolvían pola costa atlántica para proverse de estaño. Principalmente críase que viaxaban ata as illas británicas, pero comézase a barallar a posibilidade de que fose a costa galega onde realmente fixesen a súa escala final.
Xa no século XVIII, José Cornide resalta nun escrito destacado e facendo referencia a Estrabón, que as Kasitéridas ou Illas de Estaño serían os mares de Galicia. Na mesma engade que serían unhas illas das costas galegas que na actualidade acharíanse cubertas por mar ou serían as mesmas rías.
A ruta está recoñecida como Itinerario Cultural Internacional e participan 80 cidades de 18 países e 3 continentes, polo que formar parte do mesmo é todo un privilexio para a provincia de Pontevedra
De feito, a presenza fenicia e púnica en Galicia está documentada a través de diferentes restos atopados en varios dos conxuntos arqueolóxicos que na provincia atópanse. Especialmente entre o Monte do Castro en Ribadumia , A Lanzada en Sanxenxo , Monte do Facho en Cangas e Punta do Muíño do Vento en Vigo.
O arqueólogo Rafael Rodríguez é o director do Protocolo dos Castros, e o que presentará os resultados dos proxectos que con respecto este tema están a desenvolverse, entre eles, a documentación de pezas arqueolóxicas de orixe mediterránea e púnico, e os achados de diversos centros especializados en arqueoloxía, como o museo da Guarda ou o Laboratorio de Liñares .
En canto ao proxecto global, orixinouse en 1994 por iniciativa do Goberno italiano, creándose finalmente en 2003, aínda que non sería ata o 29 de novembro de 2017 cando a asociación pola parte española constituiríase de forma oficial. Ata entón existían colaboracións de forma individual.
Un proxecto destacado xa que recupera as orixes do vínculo mediterráneo e a súa interculturalidade, iniciados xa no século XII a. C. e que conta co aval do Consello de Europa. Ademais, está recoñecido como Itinerario Cultural Internacional e no que participan ata a data 80 cidades de 18 países e 3 continentes, polo que formar parte do mesmo é todo un privilexio para a provincia de Pontevedra.
Para quen desexe aumentar a información en inglés nesta ligazón e no apartado de Rutas Culturais da Unión Europea.
