Ruta das Camelias e Xardíns Históricos, 5 paseos para descubrir o patrimonio da provincia
Turismo Rías Baixas lanza un novo programa de rutas totalmente gratuíto, titulado Camelias e Xardíns Históricos, para mostrar o patrimonio cultural e natural da provincia coa camelia como fío condutor. O programa componse de cinco rutas que discorren por pazos, castelos e parques, que terán lugar os días 10 e 17 de marzo. As saídas produciranse en autobús, desde Vigo e Pontevedra.
Para inscribirse só é necesario enviar un correo a visitasguiadas@depo.es, sen necesidade de descargar formulario nin documento de solicitude algún, simplemente facilitando os datos persoais e indicando a ruta escollida e o punto de saída (Pontevedra ou Vigo). Os interesados deberán enviar un correo por cada ruta na que queiran participar, e o número máximo de persoas a incluír é de catro. A inscripción ábrese o luns 26 de febreiro ás 09.00 horas e atenderanse as solicitudes por orden de chegada.
A programación é a seguinte:
10 de marzo
- Ruta 1. Camelias con lendas. Castelo de Soutomaior e pazo de Lourizán
- Ruta 2. Camelias e viñedos. Pazo Quinteiro da Cruz e pazo de Rubianes
- Ruta 3. Camelias e paseos. Caldas de Reis, Pontevedra e pazo de Gandarón
17 de marzo
- Ruta 4. Camelias urbanas. Parque Quiñones León e parque do Castro
- Ruta 5. Camelias románticas. Pazo de Oca
Esta acción enmárcase no Plan estratéxico de turismo, que contempla accións desestacionalizadoras que poñan en valor os recursos da provincia.