Ultreia, a nova marcha polo Camiño de Santiago
Para quen lle gusta o sendeirismo e atráialle o Camiño de Santiago, Sar Comunicacións XXI organizou unha ruta programada para o 4 de marzo de 2018. A ruta, que leva por nome "Ultreia", percorrerá 46 quilómetros desde Tui ata a cidade de Pontevedra.
A pesar da longa distancia para posibles persoas participantes, ao longo da camiñada establecéronse tres puntos de recollida para aquelas persoas que non poidan alcanzar a meta de Pontevedra. Desta forma, as e os asistentes decidirán canto poden e prefiren percorrer, gozando do camiño e baixo o ritmo que mellor se adapte ás súas condicións.
Estes puntos están previstos para o quilómetro 19, no Porriño, o quilómetro 33, en Redondela e finalmente no quilómetro 40 Ponte Sampaio. En canto ao avituallamento líquido e sólido estenderase ademais de estas tres paradas, por outros dous puntos, Orbenlle (km 10) e Mos (km 25).
A idea foi crear unha marcha acondicionada para todos os niveis e atraer desta maneira ao maior número de persoas posible
As inscricións pódense realizar a través da páxina Cronotec e permanecerán abertas ata o 25 de febreiro. Requiren dun abono de 6 € máis gastos (0,22 €) polos custos do servizo. Cada persoa participante recibirá unha camiseta conmemorativa e unha mochila, ademais de gozar dos avituallamentos, seguro deportivo e o traslado ao momento de saída. Os beneficios restantes serán destinados á Asociación Amencer.
A idea foi crear unha marcha acondicionada para todos os niveis e atraer desta maneira ao maior número de persoas posible, de aí as diferentes paradas para avituallamento e a posibilidade de finalizar o evento en calquera dos seus catro puntos establecidos. Ademais, contará con puntos de axuda con persoal voluntario cada 4 quilómetros e control sanitario cada 10 quilómetros.
"Ultreia"
A palabra elixida fai referencia ao tipo de saúdo que utilizaba a peregrinaxe antigamente, ao berro de "Ultreia". Unha mensaxe de ánimo ante as longas camiñadas para alcanzar o final do camiño.
Puntos de interese durante o percorrido
Si se chega un pouco antes da saída, 10 da mañá, é recomendada dar unha volta polo centro histórico de Tui e visitar a súa catedral con vistas magníficas sobre o río Miño. Durante a primeira etapa do traxecto pasarase polas Gándaras de Budiño, un espazo protexido pola Rede Natura 2000 polo seu valor natural. Posteriormente, unha das paradas realizarase en Arcade, onde se sitúa Ponte Sampaio, unha bela ponte sobre o río Verdugo onde se loitou contra os franceses no século XIX.
