Unha semana para gozar dos furanchos de San Blas
A Festa de San Blas volve a Bembrive unha tempada máis e con ela os furanchos que acollen aos centos de veciñas, veciños e visitantes que acoden animados a un dos festexos populares máis relevantes da cidade.
A Festa de Inverno, como a denomina Turismo de Vigo, desenvólvese desde o 11 de xaneiro ata o 3 de febreiro, pero é nesta última semana cando se concentra a parte principal do festexo. Primeiro, coa apertura o día 27 dos populares furanchos locais, casas rurais con viñedos que abren as súas portas para vender excedentes de viño da tempada e que aproveitan para ofrecer un número limitado de tapas.
En segundo lugar, os días 2 e 3 de febreiro, cos postos de gastronomía e artesanía onde non faltará, ademais, a música e o viño.
Boa comida e bo ambiente que conxugan a diversión co culto ao santo. As misas preparadas para o día 3 desenvolveranse cada hora desde as 8:30 ata as 12:30 horas. Esta última contará coa Coral Polifónica de Teis e unha posterior procesión amenizada polo Ateneo Musical de Bembrive. As misas pola tarde serán ás 17:00, 18:00 e 19:30 horas.
Lista de furanchos
Abrirán a partir das 19:30 horas os días laborables e tamén pola mañá as fins de semana. Para que ninguén se perda ningún, deixamos a lista e un mapa coa maioría deles.
- A Blasa, estrada de Bembrive 193
- A Rianxeira, estrada de Bembrive 211
- A Lareira, estrada de Bembrive 213
- A Costa, estrada de Bembrive 229
- Éche o que hai, estrada de Bembrive 236
- O Busto do Boi, estrada de Bembrive 243
- O Bombeiro, estrada de Bembrive 247
- Vilamelle, estrada de Bembrive 249
- A Botica do Toñito, rúa da Igrexa 31
- O Marqués, rúa da Igrexa 27
- O Castelo, rúa da Igrexa 11
- O Furafollas, rúa da Igrexa-Torreiro
- Garea, rúa da Igrexa 29
- Colonias do Mosteiro, rúa da Igrexa 33
- Segade, rúa da Igrexa 5
- O da Chicha, camiño do Río 18 NO
- O de María, camiño de Pumariños 4
- Endulza tu vida, camiño de Novelos 1
- O Buraquiño, camiño de Novelos 19
- O Alboio do Correa, Mandín 50
- Vaiche Boa, Monte Calvario 13
- O Chivo, subida á Mouteira 13
- O Veiga, rúa da Cruz 45
- Do Medio, rúa da Igrexa 9
- O da Chicha, camiño do Río 18
- O Sevillano, camiño da Devesa 29
