Vive Nigrán debuta con éxito entre o público familiar
O festival Vive Nigrán, que se celebrou na contorna de Praia América os días 26 e 27 de agosto, recibiu nesta primeira edición a visita de preto de 4.000 persoas, todo un éxito tendo en conta que se trata dun evento do trinque no calendario de festivais de verán das Rías Baixas. O momento de maior afluencia rexistrouse a noite do sábado, coincidindo cos concertos de Basanta, Viva Suecia, Joe Crepúsculo e Las Bistecs, grupos que reuniron a máis de 2.200 persoas.
Concibido como un "picnic pop festival", o evento atraeu a un público familiar que aproveitou para gozar non só da música independente, senón tamén de todas as actividades paralelas programadas para todas as idades, como obradoiros, xogos e mercadillos. As e os menores de 16 anos entraron gratis.
Vive Nigrán é o oitavo festival que se celebra este verán baixo a marca Rías Baixas Fest, promovida pola Deputación de Pontevedra. A celebración da Festa Cidade Europea do Viño, en Cambados o próximo 9 de setembro, pechará o circuíto de festivais cunha afluencia global de público que previsiblemente superará as 200.000 persoas.
