Calendario de festas de interés nacional
Festa do Cocido, Lalín
Cocíñase en case todo o territorio nacional e cada comunidade achega a súa propia receita. En Galicia tamén se presume de prato co cocido galego, e dentro da nosa comunidade, en Lalín xorde o seu maior expoñente. Tan popular que se converteu en Festa de Interese Turístico Nacional en 2010. Un prato quente en homenaxe ao porco desde 1969 e que reúne a comensais o frío mes de febreiro, normalmente o domingo antes do Domingo de Entroido.
Festa da Lamprea, Arbo
Se a Festa do Cocido é unha homenaxe ao porco, a Festa de Arbo é unha homenaxe á raíña do río, a Lamprea. Un peixe co que as e os poboadores locais han convivido desde tempos prerromanos e que desde 1961 renden tributo con este encontro gastronómico. Ademais de ter a súa propia festa, contan co Centro de Interpretación do Viño e a Lamprea que percorre a historia de Arbo xunto con estes dous elementos inseparables do seu pobo. En 2005 foi declarada de Interese Turístico de Galicia e en 2016 foi a última en entrar nesta lista de Festas Nacionais de Pontevedra. Adóitase celebrar o primeiro fin de semana de maio.
Festa do Albariño, Cambados
Estamos ante un dos festexos máis populares e lonxevos da provincia. lévase celebrando nada menos que desde 1953 polo que superou con fartura medio século de historia, ata gozar de ser Cidade Europea do Viño en 2017. Agora continúa o seu éxito atraendo cada vez máis visitantes e sendo un bo representante da Denominación de Orixe Rías Baixas. En 1990 foi declarada de Interese Turístico Nacional. Adóitase celebrar desde o primeiro mércores de agosto ata o domingo da mesma semana.
A última celebración en sumarse a estas Festas de Interese Turístico Nacional foi a Festa da Lamprea de Arbo en 2016
Festas Patronais de San Roque - Festa da auga, Vilagarcía de Arousa.
San Roque ten o seu día o 16 de agosto, e como moitas outras parroquias, Vilagarcía de Arousa pasea ao seu santo en procesión pola mañá coa particularidade de que tras a súa finalización comezará unha gran batalla de auga. Veciñanza e turistas enchen as rúas por unhas horas nun festexo tan popular que en 2018 alcanzará a súa edición número 40. No ano 2000 foi declarada de Interese Turístico de Galicia, e en 2006 Nacional. Aínda que o día 16 é o día grande, os días de festa alónganse ao redor de 10 xornadas máis.
Festa de Exaltación do Marisco, O Grove
Galicia é sinónimo de boa comida, e si se tivese que mencionar algunha, o marisco sería unha das primeiras palabras que nos virían á mente. No Grove sábeno moi ben, non en balde a celebración leva por nome "Exaltación do Marisco" e que nas últimas edicións convocou a ao redor de 200.000 persoas. En 2018 cumprirá 55 anos, despois dun "exitoso" 2017 cun cartel musical que non ten nada que envexar á dos festivais estivais. En 1998 foi declarada de interese Turístico de Galicia e en 2013 Nacional. Agora aspira a obter o certificado de Internacional. Os eventos sucédense ao redor de 15 días a primeira quincena de outubro.
