Fiestas en Rías Baixas

Patrimonio

Fortalezas

Gardiáns de pedra

Fermosos castelos, murallas e torres foron testemuñas de mil batallas

Paisaxe e historia mestúranse en perfecta harmonía na provincia de Pontevedra a través do seu rico patrimonio fortificado de castelos, fortalezas, murallas e torres. Testemuñan un pasado de batallas, invasións, feudos, revoltas e loitas de poder en Galicia e os demais reinos de España e Portugal durante o medievo. A ruta polas Rías Baixas depara apaixonantes relatos esculpidos sobre estes recintos situados en contornas idílicos.

O castelo de Soutomaior, centro de poder de gran relevancia en España e Portugal na época medieval, desde onde señoreou Pedro Madruga no século XV, álzase impoñente ao fondo da ría de Vigo, rodeado por un Xardín de Excelencia Internacional. O de Sobroso, no que foi asediada a raíña Dona Urraca, domina a área entre Mondariz e Ponteareas. Ambos representan as xoias da coroa do patrimonio fortificado da provincia e nunca deben faltar nunha visita ás Rías Baixas.

Castillo de Soutomaior

As robustas e monumentais fortalezas son outros grandes atractivos deste destino. Eríxense en paisaxes asombrosas, coma a do monte Boi, cos seus tres quilómetros de murallas, custodiando Baiona, un referente turístico internacional. Ou as de Salvaterra de Miño, Goián (Tomiño) e Santa Cruz (A Guarda), defendendo outrora o territorio á beira do río Miño. E a do Castro en Vigo, cuxas murallas están hoxe rodeadas por un apracible bosque, e que regala, desde a súa cima, impresionantes vistas á ría e as illas Cíes.

Castillo de Monterreal baiona
Conjunto histórico Vigo
Torres del Oeste Catoira

As torres da provincia son orgullosos vestixios dunha época de desembarcos e invasións. Na Lanzada (Sanxenxo) e San Sadurniño (Cambados) levántanse en extraordinarias paraxes costeiras. Do mesmo sistema defensivo formaban parte as Torres de Oeste, en Catoira, onde o río Ulla desemboca na ría de Arousa. Alí arribaban os viquingos para asaltar Compostela e levar os seus tesouros.