As Rías Baixas producen os mellores mariscos e peixes do mundo. En barco ou a pé, as xentes do mar da provincia de Pontevedra saen a faenar a diario e recollen os froitos das rías para vendelos nas lonxas das localidades mariñeiras, desde O Baixo Miño ata O Salnés. De alí parten cara ás prazas de abastos, os restaurantes, as conserveiras e os grandes mercados nacionais e internacionais. Unha actividade diaria con enorme peso na economía da provincia que forma parte de a identidade deste territorio e acredita o prestixio dos produtos co selo Rías Baixas .
A cociña galega tradicional conserva intacto o receitario, transmitido entre as sucesivas xeracións de familias, restauradoras e restauradores. A calidade da materia prima garante en si mesmos excelentes pratos, pero as e os chefs souberon conxugar as raíces desta cociña coa innovación. Así, nas Rías Baixas existe unha ampla lista de restaurantes nos que se preparan e serven elaboracións de vangarda. As súas cartas innovan sen perder a esencia tradicional e o respecto polo produto .
![Pescadores](/documents/11015/863665/pescadores-enogastronomia.jpg/6e794c37-7ac0-4fc8-a89a-79788236ae05?t=1554733830000)
Pescadores estirando as redes de pesca
![Marisco](https://turismoriasbaixas.com/documents/11015/763573/20181123-plaza-abastos-centolla.jpg/ace5b5c9-2545-4dc2-b28f-788bf76c3946?t=1552636928000)
Centola
![Plaza Mercado Pontevedra](https://turismoriasbaixas.com/documents/11015/863665/080419-plaza-mercado-pontevedra.jpg/8e93e3ed-1929-4ccc-861e-48e4e13ff982?t=1555497504000)
Praza de Pontevedra
![Marisco](https://turismoriasbaixas.com/documents/11015/863665/20181123-plaza-abastos-centolla-02.jpg/49c18425-cfba-47eb-bba7-35a506126e5c?t=1555497504000)
Cigalas
Peixes, moluscos bivalvos, cefalópodos, crustáceos e algas mariñas son manxares que se serven a diario nos establecementos hostaleiros deste destino. Que mellor lugar para degustar estas delicias que as Rías Baixas? O produto capturado pola frota artesanal e o extraído polas mariscadoras e mariscadores pasa menos de 24 horas fóra da auga antes da súa primeira venda , e preséntase no mercado en distintas modalidades: fresco, conxelado, transformado en conservas ou precociñado . A actividade, ademais, realízase de forma sustentable.
A marca pescadeRías ¿de onde se non? é o selo de identidade para a promoción dos peixes e mariscos procedentes da frota artesanal das Rías Baixas e do resto da Galicia.
Ostras en Vigo, sabor a mar A Pedra é o nome popular polo que se coñece a célebre rúa Pescadería en Vigo. Alí podes degustar as ostras máis frescas da ría a prezos populares e acompañalas dun albariño á hora do aperitivo. Juan Manuel Maestu, ostreiro da Pedra, explícanos as propiedades das ostras e a maneira de gozar do seu sabor coma unha ou un auténtico experto.