Noticia - Festas gastronómicas de Rías Baixas - Detalle noticia - Turismo Rias Baixas

"Posiblemente un dos mellores sitios para o marisco do mundo". Así o reflectía o xornalista do diario británico The Guardian nun artigo publicado o 4 de febreiro de 2018. Non en balde, entre as Festas de Interese Turístico atópase a da Exaltación do Marisco do Grove, con certificado de Interese Nacional. Igual título comparte coa do Cocido de Lalín e a Lamprea de Arbo.

O certo, é que independentemente da festa que se trate, se falamos de Galicia, non faltará nunca a boa comida, e tras dar a coñecer as festas de interese nacional e internacional, así como as do primeiro trimestre do ano, agora que se nos fixo a boca auga con tan bos cumpridos, mostramos as festas especificamente gastronómicas da provincia con certificado de interese turístico. Sen unha programación pechada polos diferentes municipios, as datas incluídas son aproximativas e é conveniente confirmalas segundo achéguese o mes correspondente.

Febreiro

• Feira do Cocido, Lalín. 4 de febreiro
• Festa do Lacón con Grelos, Cuntis. Domingo seguinte ao Martes de Entroido (18 febreiro de 2018)

Marzo

• Festa do Millo Corvo, Bueu. Último fin de semana de marzo
• Festa da Ostra de Arcade , Soutomaior. Do 31 de marzo ao 1 de abril de 2018
• Festa do Requeixo e o Mel, As Neves . Venres Santo

Abril

• Festa da Lamprea, Arbo. Do 27 ao 29 de abril de 2018

Maio

• Festa do Choco, Redondela. Primeiro ou segundo fin de semana de maio
• Festa do Salmón, A Estrada. Terceiro fin de semana de maio
• Festa da Troita, Ponte Caldelas . Último fin de semana de maio

Xuño

• Festa Gastronómica do Galo de Curral, Vila de Cruces. Último fin de semana de maio ou primeiro de xuño

Xullo

• Festa de Exaltación da Vieira, Cambados. Fin de semana próximo ao 16 de xullo
• Festa do Carneiro ao Espeto, Moraña. Último fin de semana de xullo
• Festa da Lagosta e da Cociña Mariñeira, A Guarda. Xullo

Agosto

• Romaría da Tortilla de Laro , Silleda. Primeiro venres de agosto
• Festa do Mexillón e do Berberecho, Vilanova de Arousa. Primeira quincena de agosto
• Feira do Xamón, A Cañiza. 15 de agosto
• Festa da Ameixa de Carril, Vilagarcía de Arousa. Mediados de agosto
• Festa da Empanada de Bandeira , Silleda. Terceiro sábado de agosto
• Festa da Anguía e a Mostra de Caña do País, Valga. Último fin de semana de agosto

Outubro